Отштетата што Барселона им ја должи на Чави Хернандез и на неговиот стручен штаб со оглед на отказот на тренерот е во вкупна вредност од 15 милиони евра, пишува каталонското издание „Ла Вангардија“.
Како што е познато, договорот на клупската легенда ќе биде раскинат една година пред истекот. Околу половина од обештетувањето е должно на Чави, а остатокот на неговиот тим. Сепак, раководството очекува како член на клубот поранешниот играч за врска да се откаже од својот дел од обештетувањето, па „блауграните“ ќе треба да платат само 7 милиони евра како обештетување.
💰 Al Barça le cuesta 15 millones echar a Xavi
👀 La mitad de la cantidad sería para el técnico y la otra mitad, para el staff, según La Vanguardia
🤔 ¿Opiniones?
👉 https://t.co/ZaPZiyodpj pic.twitter.com/6uD3fCV0wO
— Diario AS (@diarioas) May 24, 2024
Последниот натпревар на Чави на чело на Барса е в недела против Севиља, а локалните медиуми се уверени дека негов наследник како тренер ќе биде Ханси Флик.
