Ова, како што пренесува The War Zone, го соопштил генералот Кирио Буданов, шеф на украинската воена разузнавачка служба ГРУ.
Доколку ова тврдење се покаже како точно, тоа би било прво распоредување на овој систем за противвоздушна одбрана на фронтот и доказ дека Русија поседува значителни противвоздушни способности, особено против балистички ракети.
S-500 Prometheus Air Defense System Now Protecting Russia’s Kerch Bridge: Ukraine’s Spy Boss
— The War Zone (@thewarzonewire) June 13, 2024
Russia’s most advanced air defense system would add a major anti-ballistic missile defense bubble around the Crimean Peninsula.
Story: https://t.co/cvcmoCRPNh
„Во градот Керч се распоредени елементи од системот С-500. Во принцип, ова ќе биде експериментална употреба. Кримскиот мост се користи за испорака на војници и опрема, а додека е таму, ќе се користи за овие цели“, рече Буданов. Неговите наводи не можеа да бидат независно проверени.
Системот S-500 Prometheus е дизајниран како штит против балистички ракети и други проектили со долг дострел. Тој треба да го замени сегашниот систем за воздушна одбрана А-135 распореден во силоси околу Москва. Исто така, се очекува да го надополни системот земја-воздух С-400 Триумф, кој беше честа мета на украинските напади.
🇷🇺The Russians have deployed the latest S-500 air defense system in Crimea," said the chief of Ukraine ISIS NATO Intelligence Kirilo Budanov. pic.twitter.com/jtZcQ5dBrA
— SLOVENSKI MEDVED (@slovenskimedved) June 12, 2024
Во април тогашниот руски министер за одбрана Сергеј Шојгу изјави дека системите С-500 ќе бидат распоредени оваа година, во две верзии, противракетна и противвоздушна, пренесе агенцијата ТАСС. Русија првпат објави видео од лансирањето на С-500, во јули 2021 година, за време на тест на југот на земјата во близина на Астрахан.
Според претходниот извештај на рускиот државен медиум РИА Новости, максималниот дострел на С-500 е околу 700 километри. Се поставува на мобилни фрлачи. Руските власти, исто така, претходно изјавија дека очекуваат првото сериско производство на С-500 да стапи во употреба до 2025 година. Цената на еден систем е околу 2,5 милијарди долари.
„Не е прашање дали ќе нападнеме или не. Тоа го правиме редовно. Прашање е само кога ќе успееме да го срушиме. Прашање на време е“, одговори Буданов на прашањето дали украинските сили ќе го нападнат Кримскиот мост.
The Western answer to the Russian eco-terror attack against the Kakhovka dam must be easy.
— Visegrád 24 (@visegrad24) June 6, 2023
The bridge for the dam!
It’s time for the U.S. and Germany to deliver ATACMS and Taurus to Ukraine.
The Kerch Strait Bridge connecting Crimea with Russia must disappear immediately! pic.twitter.com/ERHHQcBxhN
На 30 мај, украинските војници погодија два руски фериботи кои се користат за пренос на војници и опрема во случај на затворање на мостот на Крим. Во тие напади беа користени американски ракети АТАКМС. Овие проектили претставуваат нова закана за поголемите и поцврсти структури како Кримскиот мост.
Украинските сили досега извршија два успешни напади на мостот. Тоа беше направено еднаш со камион-бомба во октомври 2022 година, а вториот пат со поморски дронови во јули 2023 година. Мостот на Крим беше отворен во мај 2018 година од самиот руски претседател Владимир Путин. Тој е најдолгиот мост во Европа (19 километри), а неговата изградба чинела 3,7 милијарди долари.
Кримскиот мост го поврзува полуостровот Крим со руското копно и се користи за транспорт на стоки и луѓе до полуостровот што Украина сака да го ослободи.
