Полициските сили на Сари соопштија дека се обратиле до полициската етика во врска со инцидентот во Стејнс-на-Темза, надвор од Лондон.
Полицијата соопшти дека синоќа одговориле на пријави за избегана крава која „трчала по граѓани“ и оштетила автомобил. Тие додаваат дека полицајците неколку часа се обидувале да го фатат животното, а на крајот „донесена е одлука да се запре со полициски автомобил“, пренесува Асошиејтед прес.
На видеото објавено на социјалните мрежи се гледа како кравата трча по улица во населба кога на неа налетува полициски автомобил. Возилото ја турка кравата, а потоа повторно ѝ се приближува за да го притисне нејзиниот преден крај на земја и да ја згмечи.
Кравата се здобила со голема расекотина на ногата и завршила кај ветеринар, соопшти полицијата. Набргу потоа зборувал и министерот за внатрешни работи Џејмс Клеверли. „Не можам да замислам никаква разумна потреба за оваа акција. Побарав итно објаснување за ова“, напишал тој на X.
Видеото предизвика негодување кај дел од јавноста. Главниот инспектор Сем Адкок се обидел да објасни дека „одлуката за користење на полициското возило била донесена само откако другите методи за запирање на кравата не успеале“.
I can think of no reasonable need for this action.
— James Cleverly🇬🇧 (@JamesCleverly) June 15, 2024
I’ve asked for a full, urgent explanation for this.
It appears to be unnecessarily heavy handed. https://t.co/FsNnA9iQ2R
