Вчерашното фијаско на тимот на Манчестер Јунајтед на домашен терен против Њукасл во рамките од новото коло во Премиер лигата има продолжение и денеска. Главна тема не само поразот, туку и потегот на менаџерот Аморим да го извади од игра Џошуа Зиркзе во 33 минута.
Шокирачкиот потег го изненади нормално најмногу играчот, кој наместо да седне на клупата замина во тунелот кој води кон соблекувалните. Потоа, очигледно на приговор на сите присутни се врати со покриена глава.
Денес, медиумите во Англија велат дека тој во тунелот буквално се расплакал.
„Разговарав со Џош за тоа. Секогаш размислувам за тимот и во овој момент за тимот беше важно Џош да излезе. Тој е навистина добро момче и ќе ја има нашата поддршка. Има моменти , а пример за тоа се луѓето како Хари Мегваер, кога поминувате низ тешки фази, но тоа е животот, така што ќе го поддржиме Џош и ќе продолжиме понатаму – рече Аморим по мечот.
