Во последните неколку дена на тема Дани Олмо, се напишаа стотици, илјадници текстови. Проблемот со кој Барселона не може да го регистрира напаѓачот за следната полусезона, прави сите инволвирани страни да бидат фрустрирани, а рокот за тоа истекува денеска.
Доколку не се случи тоа, и Олмо и Пау Виктор ќе имаат право да си заминат, што е еквивалент на вистинска катастрофа за Барселона.
На денешната прес конференција на тренерот Ханси Флик по повод утрешниот дуел од 1/16 финалето од Копа Дел Реј на БАрса против нисколигашот Барбастро, речиси и никој да не го интересираше мечот, туку ситуацијата со Олмо.
“Не сакам да зборувам многу за Дани Олмо и Пау Виктор бидејќи тоа не е моја работа. Мојата работа е да го подготвам тимот за утрешниот натпревар. Разговарав со претседателот пред Божиќ и денес. Верувам дека клубот ќе си ја заврши работата , ова секако дека не е нормално и не сум среќен ни јас, но работите се такви какви што се, оптимист сум, но мора да почекаме да се донесат одлуките по ова прашање. Ситуацијата не е лесна“ – рече Флик.
