Оваа храна НАМАЛУВА КРВЕН ПРИТИСОК

За да избегнете висок крвен притисок, треба да јадете храна со малку сол, а нутриционистите предупредуваат дека оваа болест се бори со помош на три моќни минерали: калциум, магнезиум и калиум.

Овие седум намирници се богати токму со овие хранливи материи.

<b>Грав</b>

Гравот содржи голема количина на калциум, магнезиум и калиум, кои благотворно делуваат на крвниот притисок. Гравот можете да го јадете во супа, како ужина, како додаток во салата или да го подготвите како пире.

<b>Јогурт</b>

Овој млечен производ е одличен извор на калциум и други минерали кои позитивно влијаат на здравјето на луѓето. Започнете го денот со јогурт, но искористете го и за подготовка на нискокалорични преливи за салати и јадења со месо.

<b>Киви</b>

Покрај тоа што е богато со витамин Ц, кивито ќе помогне и во намалување на крвниот притисок. Најдобро е да се јаде свежо киви во овошни салати.

<b>Праски</b>

Праските за многумина се омилено летно освежување. Исто така, добро е да се знае дека содржат многу хранливи витамини и минерали, корисни за здравјето на луѓето. Најдобро би било да ги јадете свежи или да направите смути од нив.

<b>Банани</b>

Со една банана со средна големина ќе задоволите 12 проценти од дневните потреби за калиум. Ова егзотично овошје е и одличен сојузник во борбата против стресот. Кога бананата ќе стане темна и презрела, не мора да ја фрлате. Замрзнете го и добивате леден десерт.

<b>Кељ и брокула</b>

Овој лиснат зеленчук се нарекува суперхрана бидејќи има многу вредни антиоксиданси и во исто време многу малку калории. Младиот кељ најдобро се јаде како салата или на пареа.<span lang="EN-US" style="mso-ansi-language: EN-US"></span>

Исто така, сто грама сварена брокула на пареа ќе задоволат шест отсто од дневните потреби за калциум, осум отсто за магнезиум и 14 отсто за калиум. Овој зеленчук е богат и со антиоксиданси кои го штитат здравјето, па дефинитивно треба што почесто да се вклучува во менито.