Џон Стонс со гол во 98. минута го спаси Сити од пораз од Арсенал

Манчестер Сити беше пред пораз во дербито со Арсенал но се извлече благодарение на гол во осмата минута од судиското продолжение на натпреварот. „Топчиите“ по првото полувреме имаа предност од 2:1, а во второто мораа да играат со фудбалер помалку и беа секунди пред победа, но на крајот мораа да се задоволат со бод.

Поведе Сити кога по одличната асистенција на Савињо, мрежата ја погоди Ерлинг Халанд. Тоа е неговиот 100. гол во 105. настап за Сити.

Но изедначи Калафиори со прекрасен шут со левата нога од далечина во 22 минута (ГОЛОТ НА КАЛАФИОРИ ОВДЕ). А Габриел во 45 минута донесе водство за Арсенал. Во судиското продолжение на првиот дел Тросар доби втор жолт картон и беше исклучен.

Арсенал во подредена улога, Сити во напаѓачка во второто полувреме. Сепак, дефанзивата држеше колку што можеше, а во 98 минута по мешаница и една одбиена топка, Џон Стонс успеа да го најде патот до голот (ГОЛОТ ЗА 2:2 ОВДЕ).