Студентот по медицина на Харвард, д-р Ник Норвиц, одлучил да изеде 720 јајца месечно или 24 дневно, за да испита како јадењето голема количина јајца влијае на неговиот холестерол. Пред тоа, тој постави хипотеза дека оваа количина на јајца нема негативно да влијае на неговиот лош холестерол.
<b>Холестеролот почна да опаѓа</b>
Во текот на еден месец младиот лекар изел 24 јајца дневно, што значело дека консумирал повеќе од 133.200 милиграми холестерол. И покрај зголемувањето на холестеролот во исхраната, нивото на лошиот холестерол во крвта се намалило за 2 отсто во првата недела, а потоа се намалило за дополнителни 18 отсто во последните две недели.
Пред да го започне експериментот, лекарот имал лош холестерол од околу 90 mg/dl додека јадел стандардна американска диета, која потоа ја заменил со кето диета. Истражувањата покажуваат дека консумирањето јајца во умерени количини не влијае негативно на холестеролот, дури и кај луѓето со дијабетес.
<b>Како да ги намалите триглицеридите</b>
За време на експериментот, Норвиц забележал дека кај луѓето кои консумираат малку јаглехидрати, особено на кето диета, често има зголемување и на лошиот и на добриот холестерол и намалување на триглицеридите. Ова е познато како липидна тријада, која се однесува на промената на метаболизмот од согорување јаглехидрати кон согорување на маснотии.
За да ги тестира понатамошните ефекти, Норвиц одлучил да воведе овошје, како што се боровинки, банани и јагоди во исхраната во последните две недели, што доведе до значително намалување на нивото на лошиот холестерол. Младиот доктор јасно стави до знаење дека мотивацијата за овој експеримент е да поттикне дискусија за диетите и здравјето на социјалните мрежи.
