„Како да не ве боли кога мајка ви оди на одмор додека сте на хемотерапија, или ако ви каже дека не вреди да го продаде станот за вашето лекување?“ – писателката Исидора Бјелица при крајот на животот си ја отвори душата за односот со мајка ѝ. За нејзината тажна приказна и до ден-денес се зборува, дел од неа открива српски <a href="https://stil.kurir.rs/celebrities/vip-prica/205887/odnos-isidore-bjelice-sa-majkom">Курир</a>
Српската писателка Исидора Бјелица седум години важеше за жена која лавовски се бори со ракот, и која не дозволуваше болеста да ја покори.
Препознатлива по шапките, елегантниот стил и елоквентноста во изразувањето, таа беше една од омилените личности во Србија, а и регионот.
Таа беше меѓу првите јавни личности што јавно зборуваше за тешката борба со болеста, а своевремено важеше и за контроверзна личност заради напредните и авангардни ставови.
„Јас знам дека Балканот е примитивна средина, каде што се очекува, кога некој има ваква дијагноза да се повлече и да молчи.
Јас морам да се повлечам и достоинствено да умрам, никој да не ме види. Тоа е Балканот“ – рече таа во една пригода.
<b>Исидора Бјелица</b> се родила на 10-ти декември, 1967-ма година во Сараево.
Таа е ќерка на познатиот шаховски велемајстор и новинар Димитрије Бјелица, а нејзиниот дедо по мајка, Душан Ѓуровиќ ја учел на конзервативните вредности и ја научил да чита и пишува на 4 години.
Дедо ѝ бил претседател на Здружението на книжевници, па во неговиот стан чести гости биле писателите Иво Андриќ и Меша Селимовиќ. Кај татко ѝ на гости, во нејзиниот дом биле и Елизабет Тејлор и Ричард Бартон.
Во 1986-та година ја објавила својата книга насловена Prvi probuđeni, за која добила и награда. Но, истата година приредила и роденденска забава, позната како „Бал на црните кошули“, која на нејзиното семејство целосно ќе му го промени животот.
Исидора верувала дека тогашната власт ја прислушувала и ја следела, затоа што се залагала за демократија, па по забавата била приведена затоа што се залагала за укинување на војниот рок и прекин на дискриминацијата на геј популацијата, што било спротивно на тогашниот режим.
По огромниот притисок, нејзиното семејство било приморано да се пресели во Белград, а тогаш за првпат се соочиле со немаштија. На семејството им биле одземени пасошите, а во станот немале ништо освен кревети и фрижидер
На 27 години, Исидора се омажила за професорот по драматургија Небојша Пајкиќ, кој бил 14 години постар од неа. Од бракот со него ги добила синот Лав Григориј и ќерката Вила Евангелина.
Често имаше гласини дека парот се разведува, но сопругот остана со неа до последниот здив и ѝ беше најголема поддршка.
Во 2012-та година на Исидора ѝ бил дијагностициран рак, заради што ѝ биле отстранети јајчниците, матката и слезинката. Таа тогаш туморот го нарече „елегантно самоубиство“, а за да го плати лекувањето во странство, морала да продаде околу 3.000 ретки книги од својата колекција.
Во 2015-та година, во голем дел од српските медиуми беше објавено дека Исидора добила голема поддршка од фолк-дивата Цеца Ражнатовиќ која ѝ беше блиска пријателка и која ѝ го платила лекувањето во Лондон.
Цеца Ражнатовиќ, кога сфатила дека нејзината долгогодишна пријателка Исидора Бјелица нема доволно пари да го продолжи лекувањето на туморот со кој се бори по трет пат, решила да и пружи значителна финансиска помош.
- Исидора е моја долгогодишна пријателка. Кога ми беше најтешко, таа беше покрај мене. Сега кога и е тешко, секако дека ќе бидам покрај неа. Ќе ја поддржам и во добро и во лошо – само толку кажала Цеца на оваа тема.
При крајот на животот Исидора прозборе за комплицираниот однос со нејзината мајка и рече дека отсекогаш била поблиска со татко ѝ, отколку со мајка ѝ. Таа во едно од последните интервјуа рече:
„Цел живот страдам заради тоа. Јас бескрајно ја сакам мојата мајка и токму заради тоа сето тоа толку многу ме боли. Од нејзината точка на перцепција, веројатно сето тоа е во ред, но јас не сум личност која се глупира и лаже. Јас мојата душа ја отворив пред сите, затоа што сум писател.
Како да не ве боли кога мајка ви оди на одмор додека сте на хемотерапија, или ако ви каже дека не вреди да го продаде станот за вашето лекување, затоа што дијагнозата е многу лоша? Или ако ѝ каже на братучетката дека таа треба да се ’грижи за внуката, ако ќерка ми умре‘, или кога целото наследство од дедо ви ќе го остави на синот, како да нема ќерка и внуци?
Цел живот ја сакам и се обидувам да ја разберам, но откако и сама станав мајка, тогаш сфатив дека не ја разбирам“ – изјави таа.
Исидора почина во август 2020-та година на возраст од 53 години. Меѓу првите што се простија од неа, беше токму Цеца Ражнатовиќ, која беше со неа за време на целата борба.
