Вечерва ќе имаме европска пресметка на две големи светски фудбалски ѕвезди, Килијан Мбапе (франција) и Кристијано Роналдо (Португалија) во трката за пласман во полуфиналето на првенството на стариот континент.
Новото засилување на Реал Мадрид никогаш не криеше дека ЦР7 е неговиот идол. Мбапе не пропушти да го пофали Роналдо, но сепак рече дека очекува вечерва да заплаче.
„Нема да има друг Кристијано Роналдо. Тој инспирираше цела генерација. Има голови, трофеи, неговата биографија кажува се. Но, се надевам дека вечерва ќе биде разочаран и ќе заплаче”, изјави Мбапе.
