Баерн Минхен ги распродаде сите места на Алијанц Арената за претстојната сезона во Бундеслигата. Ова се случи набргу по објавувањето на програмата за натпреварите од германското првенство во четврток. Баварците минатата сезона завршија само на третото место.
Извршниот директор на „црвените“, Јан-Кристијан Дрисен рече дека интересот е „поголем од кога било“ бидејќи новиот тренер Винсент Компани ја презема функцијата по првата кампања без трофеи од 2012 година.
“Нашиот стадион отсекогаш бил погоден за нови рекорди. Повеќе навивачи сакаат да дојдат да гледаат убав и успешен фудбал. Рекордната побарувачка за билети за домашните натпревари на Баерн покажува како нашиот тим и нашиот клуб продолжува да ги возбудува луѓето и како единственото искуство на стадионот е на прво место за нашите играчи и за сите нас, тоа значи дополнителна мотивација“, коментира Јан-Кристијан Дрисен.
Дел од билетите ќе се наградуваат меѓу фан клубовите на Баерн Минхен кои имаат резервирано места пред почетокот на секоја нова сезона.
