<span lang="MK" style="mso-ansi-language:MK">Пред
предвремените парламентарни избори во Германија, спорот во владата за воената
помош за Украина го попречува одобрувањето на дополнителни пари за оружје,
објави Дојче веле.</span>
<span lang="MK" style="mso-ansi-language:MK">Во прашање е
сумата од три милијарди евра, наменети за воздушната одбрана на Украина. Иако
испораката на оружје не е спорна, финансирањето и времето се клучни прашања.</span>
<span lang="MK" style="mso-ansi-language:MK">Буџетот за 2025
година се уште не е усвоен поради несогласувања во коалицијата на
Социјалдемократите (СПД), Зелените и Либералите (ФДП).</span>
<span lang="MK" style="mso-ansi-language:MK">Министерот за
економија и кандидат за канцелар на Зелените, Роберт Хабек, истакна дека
пакетот помош за Украина може да биде усвоен пред изборите, но го постави и
прашањето од каде ќе дојде финансирањето.</span>
<span lang="MK" style="mso-ansi-language:MK">Тој предложи
можност за дополнително задолжување, но исто така нагласи дека е потребно
континуирано финансирање за да и се помогне на Украина.</span>
<span lang="MK" style="mso-ansi-language:MK">Канцеларот Олаф
Шолц (СПД) ги отфрли обвинувањата дека го блокира пакетот помош.</span>
<span lang="MK" style="mso-ansi-language:MK">Тој посочи дека
Германија веќе дава значителна поддршка за Украина и мора да се погрижи земјата
да не биде вовлечена во војна.</span>
<span lang="MK" style="mso-ansi-language:MK">Тој, исто така,
нагласи дека финансирањето за дополнителна испорака на оружје не смее да биде
на сметка на германското население.</span>
<span lang="MK" style="mso-ansi-language:MK">Опозицијата,
предводена од демохристијаните (ЦДУ и ЦСУ) и либералите (ФДП) е подготвена да
го поддржи пакетот помош за Украина, но предлага намалување на социјалните
трошоци за да се обезбедат средства за воена помош.</span>
<span lang="MK" style="mso-ansi-language:MK">Медиумите
посочуваат дека е малку веројатно пакетот помош за Украина да биде усвоен пред
изборите закажани за 23 февруари.</span>
