Најлоша е состојбата во провинцијата Емилија Ромања, каде пожарникарите имале над 800 интервенции.
Само во Болоња имало 345 интервенции, најмногу поради калта предизвикана од поројниот дожд. Обилните дождови доведоа и до лизгање на земјиштето и отворање на бројни дупки на патиштата, предизвикувајќи големи проблеми во сообраќајот, пренесе „Раи њуз“.
Пожарникарите на Емилија Ромања изјавија дека „на терен работат 472 единици, од кои 81 пристигнале како засилување од соседните региони, заедно со 157 возила и четири оперативни модули за испумпување на големи количини вода од поплавените подрачја“.
MIGLIAIA DI SFOLLATI E UNA VITTIMA: LA CONTA DELL'ENNESIMA TRAGEDIA IN EMILIA ROMAGNA
— Byoblu (@byoblu) October 21, 2024
Una vittima e migliaia di sfollati: è il bilancio delle piogge torrenziali che hanno colpito l’Emilia Romagna questo fine settimana.
➡️ https://t.co/NkEarAZS7m
Во текот на ноќта меѓу 19 и 20 октомври, противпожарен хеликоптер спасил семејство со тримесечно бебе. Нивниот дом во Монтеренци, во провинцијата Болоња, бил изолиран поради лошите временски услови. Во Бентивоље, во провинцијата Болоња, продолжува работата на екипи со пумпи за празнење на поплавените простории во градската болница.
Пожарникарите се уште се ангажирани на расчистување на подрачјата зафатени од кал и шут. Во Болоња речиси сите улици се проодни, што го потврдил и градоначалникот Матео Лепоре.
MIGLIAIA DI SFOLLATI E UNA VITTIMA: LA CONTA DELL'ENNESIMA TRAGEDIA IN EMILIA ROMAGNA
— Byoblu (@byoblu) October 21, 2024
Una vittima e migliaia di sfollati: è il bilancio delle piogge torrenziali che hanno colpito l’Emilia Romagna questo fine settimana.
➡️ https://t.co/NkEarAZS7m
Приватните куќи и електроенергетските објекти на Енел се чистеле со помош на пумпи. Сите електрични услуги кои беа во прекин се обновени. Градот има обезбедено околу 750 онлајн формулари кои досега ги пополниле граѓаните на Болоња за да побараат поддршка
Болоња се расчистува од кал, а граѓаните се соочуваат со првите проблеми во работниот ден (дури и со затворени училишта) по поплавите што го зафатија градот во саботата навечер. Сепак, временската прогноза за наредните денови во оваа провинција предвидува нови врнежи, иако не толку интензивни како претходната недела.
Уште малку врнежи од дожд се очекуваат во среда, кога времето ќе биде „облачно или претежно облачно со повремена облачност која ќе донесе повремени врнежи“. Во вечерните часови врнежите претежно ќе се повлечат на Апенините.
Претходно беше соопштено дека во поплавите загина млад човек, наврнале 200 литри дожд на метар квадратен.