Врховниот суд на САД пресуди дека Тексас може да апси и приведува мигранти според новиот федерален закон за имиграција, јавува Би-Би-Си. Законот ќе им дозволи на локалната и државната полиција да апси и гони осомничени за илегално преминување на мексиканската граница. Администрацијата на претседателот Џо Бајден го нарече законот неуставен.. Врховниот суд вчера пресуди дека законот може да стапи на сила, но понискиот федерален апелационен суд допрва треба да одлучи за неговата законитост. Законот им дава овластување на локалните и државните службеници за спроведување на законот да запрат и апсат луѓе осомничени за илегално преминување на границата, освен во училишта, здравствени установи или места за богослужба. Предвидени се прекршочни или кривични постапки и можни затворски казни или парични казни до 2.000 американски долари. Казните за оние кои илегално ќе влезат во Тексас откако ќе бидат депортирани може да бидат до 20 години затвор.
