Заменик-министерот за надворешни работи на Руската Федерација, Сергеј Рјабков денеска изјави дека ставот на Русија за нуклеарните тестирања не е променет и дека земјата нема да врши нуклеарни проби се додека САД се воздржуваат од нивно спроведување.
„Ништо не е променето. Како што утврди и формулираше претседателот на Руската Федерација, ние можеме да спроведеме такви тестови, но нема да ги спроведеме доколку и САД се воздржат од спроведување нуклеарни тестови. Сепак, Русија го свртува вниманието на западните земји дека полигонот е на Новаја Земља во целосна подготвеност“, рече Рјабков, пренесува РИА Новости.
Тој нагласи дека инфраструктурата на полигонот „Новаја Земља“ е во целосна подготвеност, што е руски одговор на чекорите преземени на официјален Вашингтон во последните години за подобрување на инфраструктурата на локациите за нуклеарни тестирања.