Стотици демонстранти излегоа на улиците на Сантијаго де Куба, вториот по големина град, како и на Бајам, градот во кој жителите беа без струја во последните неколку дена, понекогаш и по 2 часа.
Кубанскиот претседател Мигел Дијаз-Канел потоа предупреди на „непријателите на револуцијата“ користејќи го контекстот, осудувајќи ги „терористите со седиште во Соединетите држави кои поттикнуваат акции насочени кон дестабилизација на земјата“.
🚨🇨🇺 PROTESTS BREAK OUT IN CUBA CHANTING "FREEDOM"pic.twitter.com/FYZbl7i8Dw
— Mario Nawfal (@MarioNawfal) March 18, 2024
Заменик министерот за надворешни работи Карлос Фернандез де Косио денеска „официјално му го пренесе на американскиот вршител на должноста Бенџамин Зиф цврстото отфрлање на мешањето и клеветничките пораки на американската влада и нејзината амбасада во врска со внатрешните настани“ во Куба, објави кубанскиот шеф на дипломатија Бруно Родригез.
Тој веќе го предупреди Вашингтон да не „се меша во внатрешните работи на земјата“ откако САД ја повикаа „кубанската влада да ги почитува правата на демонстрантите и да одговори на легитимните потреби на кубанскиот народ“ на платформата Х.
Rare protests have broken out in Cuba with tensions rising over power outages & food shortages during an economic crisis in the Communist island nation
— Zagonel (@Zagonel85) March 18, 2024
Groups of demonstrators marched on Sunday in Santiago, the second-largest city, calling for “power and food”
Source: FT pic.twitter.com/amNkOgp9JG
Портпаролот на американската амбасада Ведант Пател ги отфрли кубанските обвинувања како „апсурдни“. „Верувам дека она што го гледаме е последица на катастрофалната ситуација што владее на островот“, нагласи тој и ја повика кубанската влада да се воздржи од насилство и неселективно притворање.
Од март, Куба се соочува со чести прекини на струја поради прекин на работата на најголемата термоцентрала на островот, која се наоѓа на околу сто километри источно од Хавана.
За време на викендот состојбата се влошила поради недостигот на гориво кое е од суштинско значење за работата на другите термоелектрани.
Вчерашните протести се најголеми од оние во 2022 година, кога островот исто така секој ден остануваше без струја, што поттикна собири на незадоволните во неколку провинции, вклучително и Хавана.
Пред речиси три години, Куба имаше големи антивладини протести по неколкумесечна изолација поради пандемијата на Ковид-19, која го запре туризмот.
Во јули 2021 година, илјадници Кубанци протестираа на претходно незамислив начин во комунистичката држава, извикувајќи „Гладни сме! и „Долу диктатурата“. Тогаш беа осудени стотици демонстранти, од кои некои и до 25 години затвор.
