Пред средбата, Стармер им рече на новинарите дека сака да се сретне со Трамп лице в лице бидејќи силно верува во личните односи на светската сцена.
Сепак, средбата меѓу двајцата може да предизвика можни дипломатски непријатности не само поради стилот на Трамп, туку и поради тоа што Стармер не можеше да организира сличен состанок со потпретседателот на САД и кандидат на Демократската партија за американски претседател Камала Харис, забележува ДПА.
Британскиот министер за надворешни работи Дејвид Лами, кој во 2017 година го нарече Трамп „расистички симпатизер на Кју Клукс Кланот и неонацистите“ и вети дека ќе протестира на улиците доколку ја посети Обединетото Кралство, исто така присуствуваше на состанокот.
