Патувате или планирате пат во странство со својот, или туѓ, автомобил? Имате национална возачка дозвола но, во некои европски држави освен неа ви е потребна и посебна, меѓународна возачка дозвола за да немате проблеми со тамошните закони или да ве вратат уште пред влез, од граница.
<b>За македонските возачи</b>, граѓаните кои патуваат со автомобил во странство, покрај потребата да имаат зелен картон, патничко осигурување, неопходно е да имаат и меѓународна возачка дозвола, која има важност три години. Во земјите од регионот, меѓу кои и Грција и Хрватска, Македонците задолжително треба да поседуваат меѓународна возачка, во спротивно казната изнесува околу 200 евра.
Согласно со потпишаните конвенции и правните регулативи на Република Македонија, за патување со моторно возило надвор од државата потребни се следниве документи:
Меѓународната возачка дозвола се издава согласно со Меѓународната конвенција за сообраќај на патиштата, усвоена на 8 ноември 1968 година во Виена;
Одобрение за управување туѓо моторно возило се издава врз основа на овластувањата на АМСМ добиени од страна на FIA – организација којашто ги обединува сите авто-мото и туринг клубови, како и здруженија на светско ниво.
Истите можете да ги извадите 24/7 во АМСМ Центар.
Потребни документи за МЕЃУНАРОДНА ВОЗАЧКА ДОЗВОЛА издадена во Македонија:
2 фотографии (45мм x 35 мм)
Лично присуство со документ за идентификација (лична карта или пасош)
Национална возачка дозвола
Потврда од Министерство за внатрешни работи за прекршочна санкција забрана за управување со моторно возило (се издава од страна на МВР во АМСМ).
Барање за издавање меѓународна возачка дозвола <a href="https://amsm.mk/wp-content/uploads/2022/12/BARANE-ZA-MVD.pdf">можете да ја извадите на овој линк</a>.
Според АМСМ меѓународна возачка дозвола не е потребна за следните држави: Република Албанија, Босна и Херцеговина, Германија, Италија, Косово, Србија, Црна Гора, Романија, Велика Британија и Шпанија, во сите други земји, меѓународната возачка дозвола е задолжителен документ.
Доколку планирате патување во странство, а немате сопствено возило, тоа можете да го сторите со туѓо моторно возило, но потребно е да се снабдите со Одобрение за управување со туѓо моторно возило надвор од границите на Македонија. Овој вид на одобрение се издава со максимален рок на важност од една година, а се што ви е потребно е сообраќајна дозвола од возилото кое се дава на користење, лична карта на сопственикот, патна исправа на корисникот, лично присуство на сопственикот и корисникот.
Во земјите каде што е потребно да се поседува меѓународна дозвола, на граничните премини не ја бараат, но ако случајно ве сопре полиција при патувањето и ви ја побара, а ја немате, може да бидете казнети со 50 до 300 евра.
Експертите велат дека во случај на некоја сообраќајна незгода, а не сте виновни, ако не поседувате меѓународна возачка дозвола вие ги сносите сите трошоци и дополнително, можно е да бидете казнети од тамошната сообраќајна власт.
