Вечерва на Канал 5 телевизија, ќе се емитува подкастот “На кавга со Иван“, каде гостин е вишиот јавен обвинител Мустафа Хајрулахи, суспендиран шеф на Вишото јавно обвинителство во Скопје.
На прашањето од водителот Мирчевски обвинителот ја раскажа средбата со државниот обвинител:
„Коцевски вели до каде е предметот со бонусите?“ – Хајрулахи одговара дека предметот е кај обвинител и се проучува.
Хајрулахи посочи дека од страна на Коцевски имало обид за притисок за потврда на првостепената одлука, со цел на ВМРО-ДПМНЕ, како подносител на кривичната пријава, да не ѝ се додели својство на оштетен.
На ова, Хајрулахи му одговорил на Коцевски: „Обвинителе, нека се проучи предметот, па ќе видиме“. Според Хајрулахи, Коцевски вулгарно реагирал и изјавил: „Јас завршив“.
Хајрулахи додаде дека Коцевски верувал дека има работа со обвинител кој ќе каже „Лепе пеќе“ на турски, што подразбира целосна согласност.
