Од дански сендвичи преку грчки закуски до шпанска паеља, храната во Европа доаѓа во сите облици, големини и вкусови. Но, постои еден европски град кој официјално може да тврди дека ја има најдобрата храна на планетата.
Познатото списание „Тајмаут“ праша илјадници граѓани од целиот свет за храната во нивниот град за да создадат конечна ранг-листа на најдобрите градови во светот за храна. Така, Наполи е оној кој е оценет како најдобар по квалитет, но и по достапност на храната.
Храната е во срцето на италијанската култура, од топлите, обилни јадења што се служат на север до сите свежи морски плодови што се консумираат на југ. Но, ако по нешто е позната Италија, тоа е дефинитивно пицата. И нема ништо подобро од пица маргарита подготвена, печена и сервирана во Наполи.
Наполи не е единствениот град во Европа кој се најде на листата на Тајмаут. Ливерпул се најде на 11-то место, со помош на возбудливите нови готвачи кои доаѓаат од градот, со Севиља на 13-тото место. Порто, Лион и Копенхаген се најдоа во топ 20, додека Мадрид беше изборот што го спомена готвачот Мајкл Ајуб од Форнин и кој рече:
- Мадрид е ризница на културни чуда, со богата култура и длабоко историско наследство. Несомнено е еден од најдобрите градови во светот - за храна и се останато.
