Ако спаѓате во групата на луѓе кои се екстремно иритирани од шишиња со тапа што не се отстранува, погледнете го трикот кој залуде милиони. Истиот беше објавен од корисник на ТикТок и предизвика многу реакции.
„Сите цело време погрешно ги отворавте“, напишал тој и покажа како всушност се отвораат овие шишиња.
„Кога ќе го отворите шишето, треба да го преместите капачето на другата страна. На тој начин нема да ви пречи додека го пиете пијалакот, на што многумина се пожалија кога станува збор за новото пакување“, вели тој.
Трикот воодушеви милиони, многумина напишаа дека е одличен, додека други истакнаа дека може да се примени на сите шишиња.
„Ја извртуваш тапата, ја откинуваш и пиеш како секој нормален човек“, „Морам да го пробам ова“, „Се прашував кој би направил тапа што постојано ми удира во носот“, „И секогаш сум нервозен поради тоа удирање по носот“, „Преферирам да пијам од нормално шише без тапа. Ова ме полудува“, „Ви благодарам, овие капачиња навистина ме нервираат“, се само дел од коментарите.
Да потсетиме, сите земји од Европската Унија мораа да ги укинат капачињата што можат да се одвојат од пластичните шишиња до три литри и да ги заменат со капачиња што не се откачуваат. Целта е да се намали количината на пластичен отпад, поради што можете тапата да ја фрлате заедно со шишето во центрите за рециклирање и местата одредени за тоа.
