Таа се качила во авионот во Лидс, а откако персоналот на аеродромот го скенирал купениот билет, ја упатил кон излезната капија, пишува Дејли мејл.
Не била премногу возбудена кога сфатила дека нејзиното седиште 34А не постои, бидејќи стјуардесата ѝ објаснила дека такви работи понекогаш се случуваат, при „менување летови“.
Не поминало многу време и Џем заспала. Таа се разбудила кога авионот слетал и веднаш погледнала низ прозорецот. На нејзино изненадување, видела палми и планини.
Тогаш ја слушнала објавата дека сѐ е подготвено за слетување во Аликанте!
„Не би било јасно што се случило, освен дека бев во погрешна земја. Персоналот на аеродромот ми го скенира билетот и ме пушти низ капијата“, рече таа.
Штом ги видела планините и палмите, помислила: „Ова не е Париз“.
„Почекав сите да излезат од авионот, а потоа ѝ објаснив на стјуардесата што се случило. Ми организираа нов лет истата вечер“.
Џем истакнува дека екипажот во кабината бил збунет и ѝ рекол дека вакво нешто никогаш не се случило.
Таа пристигнала во Париз околу 23 часот, а до нејзиниот хотел морала да патува со автобус уште еден час. Ништо страшно, со оглед на тоа што пред малку била во погрешна држава, во Шпанија.
