Саманта Кејн денес конечно е среќна во своја кожа, но ситуацијата не била таква со години. Таа е личност која дури три пати го менувала полот
Кејн денес има 64 години и сака да ја нарекуваат Лејди Карбисдејл, сопственик на замок. Таа се најде на насловните страници поради тоа што го смени полот дури три пати.
Таа денес се бори да го продаде замокот во Шкотска кој го купила и реновирала за да си ја исполни желбата да живее како принцеза.
Причината поради која го продава замокот е тоа што е подложена на хомофобија и често се чувствува како да „паднала од Марс“ во Шкотска каде што моментално живее.
<b>Ова е нејзината приказна:</b>
Родена како Сем Сашими, таа реши да го промени полот на 37 години. Тоа беше во 1997 година, во момент кога бил разведен од жена со која има две деца. Во тоа време, Сем исчезнува, а се раѓа Саманта Кејн.
"Ми беше многу тешко да ја напуштам работата и семејството и да го сменам полот, но на крајот собрав храброст и го направив тоа."
"Бев во таа ситуација кога немав избор. Мразев да бидам трансродова, сакав да бидам жена. Иако мразев да ја кажувам вистината на моето семејство, морав да им ја кажам. Ова резултираше со тоа што целото мое потесно и пошироко семејство се одрече од мене. Сите што работеа со мене ги прекинаа врските. Тоа беше многу тешко и осамено време."
"Но, јас не се откажав. Се собрав и му докажав на светот дека можам да успеам“.
Седум години подоцна, во 2004 година, таа одлучи повторно да го промени полот во машки, станувајќи Чарлс Кејн.
„Ми недостигаа моите деца и само сакав да се вратат. Во мојата глава само мислев дека треба да се вратам како што беа работите и да се поврзам со моите деца. Затоа решив да сменам пол, да станам машко за да ги вратам децата."
"Секогаш велеа дека се срамат од мене, а јас многу сакав да се вратам во нивните животи. Затоа мислев дека можеби барам премногу од нив и можеби е време да се жртвувам и затоа повторно станав маж“.
Но, во 2019 година, таа одлучува повторно да стане Саманта. Тоа беше трета операција за промена на полот, а денес вели дека конечно се чувствува добро во своја кожа.
„Тоа беше периодот кога почувствував дека средината во која живеам се промени. Моите деца тогаш ме прифатија и сфатија дека тоа ме прави среќна, па ми дадоа зелено светло да се вратам на женска кожа."
"Но, на крајот, не сум близок со моите деца затоа што пораснаа не знаејќи ме. Денес тие го живеат својот живот, а јас мојот."