Егзекуциите низ историјата биле најчестиот облик на казнување за тешки кривични дела, но некои биле посурови од другите. Според многу историчари, најсуровото погубување во историјата се случило во 16 век, за време на кралската династија Тудор во Англија, а главен протагонист на оваа приказна бил Ричард Руз, готвачот на Џон Фишер, бискуп од Рочестер, пренесува „ЛадБибл“. Она што му се случило во 1531 година и денес го шокира светот.
Додека работел во домот на својот шеф во Ламбет, Руз бил обвинет за труење на гостите на бискупот, што е тешко кривично дело. Некој рекол дека готвачот додал сомнителен прав во кашата за гостите, како и во чиниите за двајцата просјаци. Кога на сите одеднаш им се слошило, Руз побегнал. Иако гостите на бискупот преживеале, питачите умреле.
Руз брзо бил уапсен и одведен во Лондонската кула, каде што бил мачен да признае што точно направил. Тврди дека му било кажано да го додаде прашокот во храната како шега и дека не знаел оти тоа ќе убие некого.
Но, кралот Хенри VIII донесе закон според кој труењето е кривично дело велепредавство. На 28 февруари 1531 година, Хенри VIII го известил Парламентот за заговорот за труење, и така Руз бил осуден на смрт врз основа на она што го рекол кралот, а не на конкретни докази. Зборот на кралот бил конечен.
Хенри отишол и чекор понатаму, одлучувајќи да ја ублажи казната за кривично дело велепредавство. Стандардна практика за велепредавство вклучувала влечење на криминалецот по улиците во количка, потоа бесење, отстранување на неговите гениталии и отстранување на внатрешните органи. Меѓутоа, во случајот на Руз, Хенри одлучил да биде малку покреативен, одлучувајќи да го вари жив.
На денот на егзекуцијата, толпа луѓе се собрала во Смитфилд, Лондон. Руз бил донесен пред нив и трипати потопен во огромен котел со врела вода додека не умрел. Неговата приказна и денес шокира, предизвикувајќи бројни коментари на социјалните мрежи, вклучувајќи го и заклучокот дека човекот е најсуровото од сите живи суштества на светот.