Непознат сторител денеска влегол во пристапниот простор за посетители во Палатата на романскиот парламент во Букурешт и предизвикал пожар. Истурил бензин и го запалил, <a href="https://www.b92.net/info/svet/59399/muskarac-upao-u-zgradu-rumunskog-parlamenta-i-zapalio-benzin-evakuisano-300-ljudi-video/vest">пренесува</a> б92.
Спасувачките екипи евакуираа околу 300 луѓе од зградата додека пожарникарите го гаснеа пожарот.
Еден од вработените добил напад на паника откако бил испрскан со гориво. Тој наводно работел во сувенирницата на приземје, каде што избувнал пожарот.
Полицијата се обидува да го идентификува мажот кој е снимен како го подметнува пожарот и ја напушта сувенирницата.
Се уште не е јасно како осомничениот успеал да влезе во зградата со запаливиот материјал.
Еуроњуз Романија пишува дека во тој дел од зградата се наоѓа првиот безбедносен филтер, но сторителот успеал да запали пожар пред обезбедувањето да стигне до него.