„На нашите роднини и пријатели им ја соопштуваме тажната вест дека нашите Данијел, Лана, Лука и Мила трагично ги загубија животите“, се <a href="https://www.blic.rs/vesti/hronika/najtuznija-umrlica-u-srbiji-danijel-sa-tri-malisana-bice-sutra-sahranjen-u-novom/br4f3m7">вели</a> во умреницата потпишана од ужалените семејства Лазовиќ и Бугариќ, чии припадници загинаа во стравичната сообраќајна несреќа на патот Рашка-Краљево.
Потсетуваме, вкупно пет лица загинаа кога борбено возило на војската на Србија, управувано од М.В., удрило фронтално во автомобил кој доаѓал од спротивен правец. Во автомобилот се наоѓало семејството Лазовиќ од Рашка - Данијел, Мирјана, нивните три деца и нивната сосетка Дијана К.
Од повредите на лице место починале Данијел, трите деца и Дијана К., додека мајката Мирјана се здобила со повреди во вид на изгореници на подлактицата и расекотини на главата.
Возачот на борбеното возило денеска бил сослушан во Вишото јавно обвинителство Краљево, по што му е одредена мерка притвор.
Според порталот Блиц, осомничениот М.В., имал повеќе од 0,20 ppm алкохол во крвта. Припадниците на српските вооружени сили не смеат да имаат алкохол во крвта, односно алкотестот не смее да покажува ништо повеќе од нула.