Во Цетиње е убиен Васко Љешковиќ, висок припадник на Шкаљарците, еден од двата закрвавени мафијашки кланови од Котор.
Според првични информации, Љешковиќ бил застрелан од снајпер во дворот од неговата куќа додека ручал. Напаѓачот пукал во него од блискиот рид.
Од неофицијални полициски извори се дознава дека потрагата по напаѓачот е во тек. Според неофицијални информации, има многу излези од населбата, преку помали улици и дека потрагата е отежната поради тоа.
<b>Кој е Васко Љешковиќ?</b>
Инаку, Васко Љешковиќ е брат на Ѓок Љешковиќ, осомничен за шверц на цигари.
Љешковиќ е убиен во истиот град каде што живеел Горан Радоман, првата жртва на кланот.
На терен се присутни голем број полициски сили, кои го затворија приодот до куќата. Во соопштението на полициската управа потенцираат дека се преземаат интензивни активности во соработка со Вишото државно обвинителство во Подгорица за расветлување на ова убиство.