Ова го соопшти заменик-градоначалничката на Загреб, Данијела Доленец и додаде дека Градот како основач ќе ги покрие трошоците за ангажирање фирми до крајот на учебната година.
Во меѓувреме, додаде таа, Министерството за наука и образование ќе обучува и вработува лица во училиштата кои ќе бидат задолжени за безбедноста.
Министерството за наука и образование вчера го објави Протоколот за контрола на влез и излез во училишните установи, со кој се утврдува дека влезната врата на училиштето треба да биде заклучена и дека училиштето е должно да обезбеди безусловно дежурство на работниците на влезот за време на часовите.
Наведениот Протокол го регулира и влезот на родителите во училиштата и на сите посетители, така што тие можат да влезат во училиштето само со претходна најава или на покана на училиштето.
