Во Тирана денеска дошло до физички конфликт меѓу пратениците на опозицијата и полицијата пред зградата на Собранието, кога пратениците се обиделе да влезат, но не им било дозволено.
Полицијата насилно спречила граѓани и претставници на Демократската партија да влезат во дворот на парламентот, <a href="https://top-channel.tv/2024/10/17/perleshje-ne-hyrje-te-kuvendit-deputetet-e-pd-perplasen-ashper-me-efektivet-e-fnsh-se-garda-nderhyn-per-ti-ndare2/">објавија</a> албанските медиуми.
Дел од социјалистите кои се упатија кон собранието, ги зедоа столчињата од парламентот и ги фрлија во толпата пред претседателот на собранието, јавува А2 Си-Ен-Ен.
По смирувањето на протестот, во дворот на парламентот останаа само редарите. Сепак, според шефот на пратеничката група на демократите, Газмент Барди, полицијата го извадила оружјето, што довело до физичка пресметка.
Инциденти имаше и пред градското собрание, каде опозиционерите запалија гуми.
Пратениците протестираат против, како што велат, корупција и злоупотреба на средства наменети за градската администрација.
