Реал Мадрид на пенали го исфрли бранителот на титулата Манчестер Сити во реваншот од четвртфиналето на Лигата на шампионите. По 3:3 во Мадрид и 1:1 во Манчестер, екипите шутираа пенали по продолженијата, а таму беше поуспешен шпанскиот тим.
Дел од светската јавност и навивачите ги прозваа Реал Мадрид и Карло Анчелоти бидејќи играа бункер во поголемиот дел од натпреварот. Имаше само 33% посед, осум шута (противникот имаше 34) и еден корнер наспроти 18-те на Сити. Сепак, Тиери Анри го бранеше својот поранешен лут ривал и неговиот тренер.
„Постои нешто што се нарекува одбрана. Можете да ја контролирате играта ако се браните доволно добро. Луѓето ќе речат дека Манчестер Сити беше многу подобар тим, но одбраната е дел од играта. Мислам дека подобриот тим е оној кој добро брани во текот на целиот натпревар“, рече тој.
