Апсолутно заслужено. Ханси Флик е прогласен за тренер на месецот во Ла Лига. Немаше дилеми, но денеска тоа и официјално беше потврдено. Германскиот стратег, инаку екс селектор и некогашен тренер на Баерн Минхен, како нов стратег на Барселона сезоната 2024/25 ја почна фантастично. Четири победи на исто толку мечеви. На домашен терен неговите избраници славеа против Билбао (2:1) и Ваљадолид (7:0), а на гостински терен Барса на Флик славеше кај Валенсија (2:1) и Рајо Ваљекано (2:1).
Значи четири меча, четири победи, максимални 12 бода и гол разлика 13:3.
Ова е првото признание на Германецот во Шпанија откако пред нешто повеќе од два месеци беше назначен за нов стратег на каталонскиот гигант.
