<span lang="MK" style="mso-ansi-language:MK">Европската унија
се соочува со три големи кризи. Првата е кризата на конкурентноста која беше
забележана на крајот на 2010-тите, но во меѓувреме ситуацијата се влоши, што
доведе до намалена продуктивност и пад на економскиот раст.</span>
<span lang="MK" style="mso-ansi-language:MK">По рускиот напад
на Украина, изби безбедносна криза, која ги затегна односите на ЕУ, не само со
Русија, туку и со Кина.</span>
<span lang="MK" style="mso-ansi-language:MK">Војната
предизвика и енергетска криза што ја стави Европа во неповолна положба во
споредба со нејзините главни конкуренти, САД и Кина.</span>
<span lang="MK" style="mso-ansi-language:MK">Сепак, постои
неверојатен степен на интелектуален консензус за тоа како да се справи со оваа
трета криза. Трите главни извештаи кои беа објавени неодамна донесоа приближно
исти заклучоци за главните предизвици со кои се соочува Европа. Дури се даваат
слични препораки за нивно решавање, смета францускиот економист Жан Пизани Фери
во авторски напис што го пренесува „Пословни дневник“.</span>
<span lang="MK" style="mso-ansi-language:MK">Во извештајот на
поранешниот италијански премиер Енрико Лета „Многу повеќе од пазарот“, направен
по барање на Европскиот совет, се истакнува потребата од интеграција на
единствениот пазар, проект кој првпат е замислен во 1980-тите и е актуелна и
денес.</span>
<span lang="MK" style="mso-ansi-language:MK">Истражувањата
покажуваат дека преминувањето на државната граница во Европа шест пати ја
намалува меѓурегионалната трговија со стоки. Фрагментацијата е особено изразена
во секторите на енергија, финансии и електронска комуникација, а трговијата со
дигитални услуги меѓу ЕУ и САД ја надминува трговијата во самата Унија.</span>
<span lang="MK" style="mso-ansi-language:MK">Тие сектори беа
намерно исклучени од процесот на интеграција бидејќи државите ги сметаа за
премногу стратешки за да се откажат од националната контрола.</span>
<span lang="MK" style="mso-ansi-language:MK">Претседателката
на Европската комисија, Урсула фон дер Лајен, му задолжи на друг поранешен
италијански премиер Марио Драги да состави извештај за иднината на европската
конкурентност. Драги неодамна ги изнесе своите препораки и предлози.</span>
<span lang="MK" style="mso-ansi-language:MK">Тој го критикува
одлучувањето за финансирањето на Унијата бидејќи тие се дизајнирани за
„вчерашниот свет“. Тесно националниот пристап на ЕУ кон проблемот на
конкурентноста ги спречува паневропските решенија и конкуренцијата меѓу
земјите-членки.</span>
<span lang="MK" style="mso-ansi-language:MK">Овие „писма до
раководството на ЕУ“ се произведуваат по секои европски избори за да им
помогнат на идните комесари и европратеници да ги одредат приоритетите на
Унијата.</span>
<span lang="MK" style="mso-ansi-language:MK">Војната во
Украина е егзистенцијална закана, високата цена на енергијата е главна пречка
за конкурентноста, а неуспехот на ЕУ да иновира ризикува да ја претвори Европа
во нем набљудувач на меѓународната сцена.</span>