Основачот на Викиликс, Џулијан Асанж (52) вчера ја напушти Велика Британија и затворот со максимална безбедност во близина на Лондон каде што беше затворен пет години.
Тој од вчера е на слобода откако склучил договор односно потпишал спогодба за признание на вината.
Џулијан Асанж е снимен како се качува во авион, а снимката го обиколи светот!
Асанж вчера беше ослободен со кауција од притвор, а сега чека федералниот судија да го прифати договорот. Во замена за признавањето на вината, Асанж ќе биде осуден на отслужување 62 месеци - колку што веќе помина во британскиот затвор.
Откако судијата ќе го прифати признанието за вина, Асанж ќе може да се врати во својата родна Австралија.
Во објава на Платформа Х, Викиликс рече дека Асанж го напуштил Белмарш во понеделникот наутро, откако Високиот суд му одобрил кауција. Попладнето бил на аеродромот Стенстед каде се качил во авионот и ја напуштил Велика Британија.