Градовите Ваџима и Сузу, кои сè уште се опоравуваат од разорниот земјотрес што ја погоди областа на 1 јануари, беа меѓу најтешко погодените од поплавите. Вчера и двата града забележаа двојно повеќе врнежи од вообичаеното за септември, објавија локалните медиуми, пренесува Би-би-си.
Десетици реки се излеаја од коритата, отсекувајќи ги патиштата и изолирајќи повеќе од 100 заедници низ префектурата, се вели во извештаите. Околу 4.000 домаќинства останаа денеска без струја, според „Хокурику електрик пауер“.
🚨🇯🇵Heavy rain caused floods and landslides in Ishikawa, Japan, killing six and leaving two missing.
— Info Room (@EkSan02) September 23, 2024
The region, still recovering from an earlier earthquake, received 540mm of rain in 72 hours.
Thousands are without power, and over 100 areas are isolated due to blocked roads.… pic.twitter.com/AbW8wIVgs3
Две мртви лица се пронајдени во близина на тунелот погоден од одронот во Ваџима. Еден од нив бил градежен работник кој вршел поправки на патишта.
Меѓу другите жртви се двајца постари мажи и една постара жена, објави The Japan Times, повикувајќи се на локалните власти.
🚨🇯🇵 |MORE VISUALS OF FLASH FLOODING IN WAJIMA
— Weather monitor (@Weathermonitors) September 21, 2024
CITY
📌 #WAJIMA | #ISHIKAWA | #japan
September 21.2024#japanflood
Stay informed!#能登 #石川県 #輪島 #大雨 #Flooding https://t.co/U9FTsUDOK8 pic.twitter.com/gYPIcsFpq2
Јапонската метеоролошка агенција издаде највисоко ниво на предупредување опасно по живот за Ишикава во саботата и го намали на нормално предупредување вчера. Сепак, властите повикаа на дополнителна претпазливост.
Поплавите ги преплавија привремените населби изградени за луѓето кои ги загубија своите домови во земјотресот на Нова година. Снимките што ги објави локалната телевизија ја прикажуваат целата улица во Ваздима под вода.
Регионот сè уште се опоравува од силниот земјотрес со јачина од 7,5 степени во јануари, во кој загинаа најмалку 236 луѓе, се урнаа згради и беше предизвикан огромен пожар.
