<span lang="MK" style="mso-ansi-language:MK">Германскиот извоз
во САД би можел да се намали за 14,9 отсто доколку Доналд Трамп биде избран за
претседател на САД во ноември и ги исполни своите предизборни ветувања.</span>
<span lang="MK" style="mso-ansi-language:MK">Имено, ова се
наведува во извештајот што денеска го објави Институтот за економски
истражувања IFO од Минхен и платформата Econpol Europe (EconPol Europe). Според
извештаите, во тој случај извозот на германската автомобилска индустрија во САД
би паднал за 32 отсто, а извозот на германски фармацевтски производи за 35
отсто.</span>
<span lang="MK" style="mso-ansi-language:MK">Соединетите
Американски Држави се еден од најважните трговски партнери на Германија - и во
стоковниот и во услужниот сектор. Политиката на Трамп за воведување царини во
Кина може да го намали и германскиот извоз во таа азиска земја за речиси 9,6
отсто. Кинеската побарувачка за интермедијарни производи од Германија
значително би паднала поради трговскиот конфликт на САД со Пекинг.</span>
<span lang="MK" style="mso-ansi-language:MK">„Доколку Трамп
биде реизбран и започне нова трговска војна со Кина, Германија како извозно
ориентирана земја би страдала многу“, вели експертот за трговија на МФО,
Лисандра Флах.</span>
<span lang="MK" style="mso-ansi-language:MK">Во тоа сценарио,
целиот германски извоз би можел да падне за околу два отсто, што одговара на
намалување од приближно 35 милијарди евра. Како претседател на Соединетите
Американски Држави, Камала Харис веројатно ќе продолжи со протекционистичката
трговска политика на Бајден, додека евентуалната втора претседателска
администрација на Трамп суштински ќе ги промени светските трговски односи, се
додава во извештајот.</span>
<span lang="MK" style="mso-ansi-language:MK">Политичките
планови на двајцата кандидати укажуваат на високи буџетски дефицити и лабава
фискална политика. Во ниту едно од овие сценарија, САД нема да бидат лесен
трговски партнер за Европската унија, се вели во извештајот.</span>