Претседателот на Владата, Христијан Мицкоски негира дека се
загрозува албанскиот јазик и идентитетот на Албанците во Македонија. Вели дека
како држава не сме „како некои земји-членки кои сакаат да го загрзуваат
идентитетот на другите народи“. Истакнува дека се почитува идентитетот на
Албанците и посебноста на македонскиот и албанскиот јазик.
-Има политичари кои што зборуваат,а ништо не прават, но и
политичари кои повеќе покажуваат, а малку зборуваат. Јас сум оние што
покажуваат со дела. Апсолутно го почитувам албанскиот јазик. Секоја година го
честитам Денот на албанската азбука на 22 ноември. Јас повеќе би се интересирал
и за заштитата на македонскиот јазик секаде каде што има Македонци. Очекувам
наскоро да заминам и во Мала Преспа, да разговараме на нашиот мајчин јазик, да
поделиме литература на нашиот македонски јазик од македонски автори. Мислам
дека немаме отворени прашања на тоа ниво со Албанија и тоа се вештачки теми кои
што завршуваат како ова што сега беше дел од мојот одговор.
„Загрозувањето на албанскиот јазик, го загрозува идентитетот
на Албанците“. Ова е главната порака, како што објавија дел од медиумите во
земјава на албански јазик, што вчера ја испратила претседателката на Собранието
на Албанија, Елиса Спиропали. Таа исто така зборувала и за одлуката што треба
да ја донесе Уставениот<span style="mso-spacerun:yes"> </span>Суд, при што
истакнала дека очекува решение согласно духот на Рамковскиот договор.