<b><i>Актерот Харис Дикинсон признал дека му било непријатно за време на снимањето на непланирана интимна сцена со Никол Кидман во филмот „Babygirl“, а таа потврди дека и е доста од се, особено од снимање интимни сцени.</i></b>
Во таа сцена тој морал да танцува гол на песна на Џорџ Мајкл без претходна проба, а токму тогаш доживеал „голем срам“, според него, пренесува Дејли мејл.
„Режисерката Халина Рејн ја пушти песната и рече: „Само танцувај“. Така почнав да танцувам. Пред тоа испив малкиу виски. Но ми беше непријатно“, рекол актерот, додавајќи дека Никол Кидман го поддржувала и ја опишал како исклучително срдечна личност.
„Таа создава атмосфера на снимањето и прави сите да се чувствуваат удобно, ранливо и смешно бидејќи е исклучително храбра“, додал Дикинсон.
И Никол Кидман неодамна проговори за своето искуство со снимањето на овој филм. Таа призна дека сцените со Харисон и Антонио Бандерас, кој го игра нејзиниот сопруг, понекогаш биле премногу напорни.
Рекла дека се чувствувала фрустрирано и повремено мислела дека повеќе не сака да снима вакви сцени. Таа ги опишала чувствата на исцрпеност и „прегорување“ што ги доживеала за време на снимањето.
„Имаше огромна количина на споделување и доверба, а потоа и фрустрација. Бев како „Не ме допирај“. Во некои моменти за време на снимањето си мислев: „Не ми се приближувај, не сакам веќе никој да ме допира“. Беше таму цело време, така што беше речиси како исцрпеност“, рекла Кидман.
Успехот на снимените интимни сцени Кидман го припишува на режисерот и координаторите за интимност. Дикинсон се согласи и додаде дека тој и Никол се договориле со координаторот за границите на она што им е удобно за време на снимањето.
„Координаторот за интимност помага да се дефинира што е удобно и што одговара на визијата на филмот и се е направено многу внимателно за да се создаде автентична сцена“, заклучил тој.