Единаесетгодишно дете со нож го избодело својот очув во Форбак, на североистокот на Франција, за да ја заштити својата мајка при семејна расправија, соопшти денеска обвинителството во Саргемин.
Мажот бил избоден три пати, бил хоспитализиран и неговиот живот не е во животна опасност, објави „Фигаро“.
Парот и детето се од германска националност, изјави заменик-обвинителот. Мајката и нејзиното дете, кои вообичаено живеат во Германија, останале кај партнерот во Форбак.
Со оглед на возраста на детето, случајот ќе биде префрлен во германското правосудство, објасни заменик-обвинителот.
Истражителот утрово повторно го испрашал детето во придружба на психијатар, а потоа детето било предадено на социјалните служби.
