Се прослави по прејадувањето и екстремното дебелеење, а сега ги остави без зборови своите обожаватели кога покажа дека ослабел 114 килограми, пренесува The Mirror. Во новото видео, Пери ја покажа својата витка линија и призна дека не снимал видеа две години за да ја изгради структурата на телото што ја има сега.
Ова остави некои збунети бидејќи тој објавуваше видеа до пред три месеци, а последното беше на 1 мај 2024 година, кога објави дека го „скршил“ своето патување за слабеење и дека е „време повторно да се здебели“.
„Секогаш сум два чекора понапред. Ова беше најголемиот социјален експеримент во целиот мој живот. Загрижувачки, но и неверојатно е да се гледаат сите овие дезориентирани суштества како талкаат на Интернет во потрага по приказни, идеи, во кои се чувствуваат охрабрени, ангажирани. .
Значи, јас сум негативец затоа што се направив себеси и вие ќе продолжите да ги консумирате тие приказни за мене од година во година. Вчера луѓето ме нарекуваа дебел и болен, досаден и небитен... Успеав да останам два чекори понапред од сите, шегата е на вас“, им се обрати јутјуберот на своите следбеници.
„Веројатно правеше многу видеа кога беше поголем и само понекогаш ги објавуваше, кога во реалниот живот всушност слабееше две години, тотално нѐ измами“, напиша еден корисник на социјалните мрежи, а многумина се согласија. „Секогаш велев дека ќе одам на диета кога тоа ќе го направи Никокадо Авокадо, сега немам повеќе изговори“, се пошегува еден следбеник.
