Пред црквата Архангел Гаврил во Белград, викендов на белграѓани им беше украден плик со подарок за младенците кои се венчаа тој ден.
На социјалната мрежа Инстаграм на профилот serbialive_beograd се појави објава со нивен апел до луѓето да внимаваат да не им се случи истата ситуација.
"Би сакала да ги предупредам луѓето за ситуацијата што ни се случи вчера да не помине никој друг како нас... Отидовме на свадба во храмот Архангел Гаврил кај стадионот на Партизан и додека бевме на свадбата, ни го зедоа свадбениот плик од колата. Не сме единствените на кои им се случило ова, веројатно тоа го прават секој викенд, но ниту сме слушнале ниту би ни паднало на памет," напишала белграѓанката.
"Претпоставувам дека нема смисла да се извести полицијата бидејќи нема да може ништо, но можеби тоа ќе значи некој да внимава во иднина," додаде таа.