Иако е речиси шест години во Шпанија, речиси секој месец, па дури и недела, се наоѓа на удар на навивачи, главно поединци.
И редовно бурно реагира на тоа, а овој пат во интервју за „Си-Ен-Ен“ можеби и најгласен побара на Шпанија да и се одземе организацијата на Мундијалот во 2030 година.
„Доколку ситуацијата со расизмот во Шпанија не се подобри до 2030 година, Светското првенство треба да и се одземе“, рече меѓу другото Винисиус Жуниор.
Организацијата на тоа натпреварување ФИФА им ја додели на Шпанија, Португалија и Мароко.
„Има многу простор за промени до 2030 година. Така, се надевам дека Шпанија ќе напредува и ќе сфати колку е сериозно да се навредува некого врз основа на бојата на неговата кожа. Затоа што ако работите не се сменат дотогаш. Доколку некој играч не се чувствува удобно и безбедно додека игра фудбал во некоја земја, затоа што е жртва на расизам, тогаш тоа е проблем за голема група фудбалери“, изјави Винисиус. .
Дури и Бразилецот им се понуди на шпанските власти како соработник во промените кои ги предлага против расизмот.
„Сакам да направам се што е можно за да ги сменам работите во иднина, бидејќи огромното мнозинство на луѓе во Шпанија не се расисти. Сакам да играм за Реал Мадрид, ја сакам Шпанија, моето семејство има најдобри услови за живот, се надевам дека е можен напредок, некои работи веќе се забележуваат, но неопходно е да се сменат многу работи до 2030 година кога станува збор за случаи на расизам и говор на омраза“, истакна Винисиус.
