Бразилецот Винисиус Јуниор е прогласен за најдобар светски фудбалер во 2024 година според ФИФА. Деветтото издание на The Best FIFA Football Awards се одржа во Доха, а својата премиера ја имаше во јануари 2017 година, кога Кристијано Роналдо ја доби наградата за најдобар во светот. Најдобрите тројца ги избраа селекторите, капитените на репрезентациите, избраните новинари и навивачите
„Се чинеше невозможно да се дојде до оваа фаза. Дојдов од мал град, пораснав во близина на криминалци, во сиромаштија. И сега сум тука. Благодарам на луѓето кои гласаа за мене, играчите, тренерите, навивачите. Сакам да останам во Реал уште долго време, ова е најголемиот клуб во светот“, изјави Винисиус по добивањето на наградата, набргу откако се огласи на Инстаграм со поопширна порака.
„Денес му пишувам на момчето кое виде дека толку многу идоли го подигнаа тој трофеј, дојде неговото време. Поточно, дојде моето време. Време е да кажам… Да, јас сум најдобриот играч на светот и јас се борев напорно за тоа.
Се обидуваа и се обидуваа да ме обезвреднат. Но, тие не се подготвени. Никој нема да ми каже за кого да се борам, како да се однесувам. Кога бев во Сао Гонсало, системот не се грижеше за мене.
За малку ќе ме проголтаа. Победив за себе, за моето семејство. Со голема поддршка на патот: Фламенго, Реал Мадрид, бразилската репрезентација, стотици мои соиграчи низ годините… луѓе кои ме следат секој ден во мојата рутина, оние кои ми се восхитуваат… Најдобриот играч на светот “, напиша тој.
