Крилниот напаѓач на Арсенал, Букајо Сака изјави дека оваа сезона „топчиите“ мора да освојат трофеи. Тој во прв ред вели дека сака да ја освои англиската Премиер лига, но секако и дел од останатите натпреварувања во кои Арсенал почна одлично.
„Оваа сезона сум многу гладен за победи. Честопати во минатото завршувавме втори во Премиер лигата и тоа ме тера да сакам уште повеќе да ја освојам Премиер лигата. Јас верувам во себе. Тоа е она што ми помага да одам напред“, изјави Сака, по вчерашната победа над ПСЖ во Лигата на шампионите.
