Нешто повеќе од една година Роберто Манчини беше селектор на Саудиска Арабија и имаше статус на најплатен тренер во светот. Но, поради отказот што следуваше и на три години пред истекот на договорот по не многу блескави резултати, само седум победи во 18 натпревари, нема да плаче.
Според Мирор, тој ќе добие вистинско богатство на име отпремнина. Тренерот кој ги предводеше Италијанците до европскиот трон во 2021 година, со Интер ја освои Серија А три години по ред, а на Манчестер Сити му ја донесе првата шампионска титула по 44 години, според условите од договорот поради предвремено раскинување, ќе му следуваат нешто повеќе од 70 милиони евра!? Не им трепна ни на богатото обештетување на сега веќе поранешниот селектор во Саудиска Арабија при одлучувањето за неговата судбина.
„Управниот одбор на Фудбалскиот сојуз на Саудиска Арабија и селекторот на националниот тим Роберто Манчини постигнаа меѓусебен договор кој вклучува и раскинување на договорниот однос“, објавија кратко.
На Саудиска Арабија и претстојат квалификации за Светското првенство, каде се уште се во игра.
Во групата од која двете најдобри репрезентации одат директно на СП 2026, моментно се третопласирани со пет бода помалку од Јапонија и изедначени со Австралија. Во ноември ги очекуваат клучните натпревари против Австралија и Индонезија.