Менаџерот на Манчестер Сити, Пеп Гвардиола беше разочаран од ремито 0-0 со Интер во Лигата на шампионите. Тој жали за пропуштените прилики од страна на неговите играчи на натпреварот, кои се и главната причина што не успеаја да стигнат до трите бода.
„Имавме шанса да победиме на овој натпревар. Не беше лесно да се постигне гол. Создадовме шанси, но ги пропуштивме. Сè уште е рано во сезоната, сигурен сум дека ќе играме многу подобро и ќе го најдеме нашиот ритам во наредните месеци. Ќе се подобруваме со текот на времето“, изјави Гвардиола.
Тој беше прашан што им кажа на своите играчи на полувремето.
„Моравме да ја вратиме контролата во нападот, во последните метри од половината на Интер. Сепак, тие добро се бранеа, навлегоа длабоко во својата половина, па моравме да ги промениме нашите поставки. Со повеќе движење и создавање простори се обидовме да ја пробиеме оваа длабока одбрана“, додаде Шпанецот.
За состојбата на Де Брујнe, кој беше принуден да биде сменет на паузата, тренерот беше концизен:
„Сè уште не сме разговарале со лекарите, не знам што се случува“.
