Легендарниот романски фудбалер Георге Хаги пред Eвропското првенство беше прашан за возбудата за неговиот син Јанис, кој ќе игра за Романија.
„Имам повеќе од едно дете во овој тим. Има уште неколку“, одговори Хаџи.
Тој мислеше на „дипломираните“ фудбалери од неговата Академија. Ги има дури шест во репрезентацијата која игра на ЕП во Германија, а можеше да има седум затоа што Константин Грамени беше на поширокиот список, но не и во финалниот.
Двајца настапуваат во Романија: 26-годишниот Флоринел Коман, кој стана шампион со ФЦСБ оваа сезона и е најдобар стрелец во лигата со 18 гола. Потоа 24-годишниот Даниел Бирлиџа кој сега игра во ЦФР Клуж.
Двајца играат во Турција: 24-годишниот Денис Драгуш ја имаше најдобрата сезона во кариерата за Газиантеп (14 гола) и направи трансфер во Трабзон.
Александру Чикилдау е под договор со Галатасарај, а минатата сезона ја мина на позајмица во Коњаспор.
Разван Марин игра за Емполи (на позајмица од Каљари), Јанис Хаџи е во Алавес (позајмен од Ренџерс).
Математички 23% од 26-те фудбалери во романската репрезентација се дипломци на Академијата на Георге Хаџи. Бројката е поголема од било кој друг романски клуб.
Хаџи ја формираше Академијата во 2009 година.
Во клубот тренираат околу 250 фудбалери, поделени во 13 возрасни категории од 6 до 19 години. Од 13-годишна возраст, децата веќе се третираат како спортисти: постојаното живеалиште на територијата на академијата, училиштето, дури и храната е целосно контролирана.
Училиштето е многу важно – без добри оценки, ниту еден млад човек нема да биде промовиран во сениорската група, дури и ако е пред своите врсници во фудбалските перформанси. Сите деца учат два задолжителни странски јазици: англиски и шпански.
Веќе во првите 10 години од своето постоење, академијата освои 24 јуниорски титули, а просечниот годишен број на играчи вклучени во националниот тим (од главниот тим до У-15) надмина 40 луѓе.
