Тренерот на Реал Мадрид, Карло Анчелоти беше воодушевен од победата од 3-1 над Штутгарт во Лигата на шампионите. Сепак, тој имаше резерви за настапот на неговиот тим и призна дека се уште го бара најдоброто од себе.
„Мислам дека сè уште ја бараме нашата најдобра верзија. Постапивме добро, но на почетокот не беше така. Не притискаа, ги добиваа дуелите, игравме вертикално. Потоа отидовме со 1-0 и имавме контра -напади за да решиме се. Важно е дека на крајот остваривме вредна победа.
Во Лигата на шампионите имам толку многу натпревари и не се сеќавам на еден на кој мојот тим не настрада барем малку. Овој турнир не се добива без тешкотии. Таков е животот“, изјави Италијанецот.
Тој го коментираше и настапот на младиот Ендрик, кој го постигна својот деби гол на турнирот.
Ендрик покажа храброст. Ја имаше последната голема шанса и најдобрата одлука беше да ја искористи ситуацијата. Веруваше дека ќе постигне гол и успеа“, заклучи специјалистот.
