Овој потег укажува на загриженост поради зголемената руска активност во Западна Африка, пренесува Ројтерс.
Како што соопштија од полицијата на платформата Х, уапсени се и дел од спонзорите на кројачите, но не прецизирале кои се тие, додавајќи дека истрагата е во тек.
Не е наведено колку вкупно лица се уапсени.
Висок претставник на одбраната, генералот Кристофер Муса, рече дека веењето на странско знаме за време на антивладини протести е „чин на предавство“.
По разговорот со претседателот на Нигерија, Бола Тинубу, тој рече дека се идентификувани оние кои се спонзори на овие активности и дека против нив ќе бидат преземени сериозни мерки.
Am not against protest neither do I support the current government but I'm 100% sure the whole military forces and even foreign personnel would have storm eastern part of Nigeria if that Russia flag was raised there...#EndBadGovernanceProtest#UKRiots #kuduna #Kano pic.twitter.com/juppE0sWnN
— JOURNEYMAX°° (@izunikky) August 6, 2024
Стотици илјади Нигеријци протестираа од 1 август против економските реформи на Тинубу во неколку држави во северна Нигерија.
За време на протестите, стотици руски знамиња биле видени како се веат од демонстрантите, од кои некои барале војската да ја преземе власта.
Според Ројтерс, протестите згаснале по исклучително острата реакција на полицијата. Руската амбасада во Нигерија негирала каква било вмешаност.
