"Нема вистинска причина зошто ги убив. Се чувствував како странец во сопственото семејство. Угнетено. Мислев дека ако ги убијам сите, ќе се ослободам од оваа непријатност. Го сфатив тоа една минута подоцна: сфатив дека Не би бил слободен ако убијам“, наводно рекол осомничениот на распитот, пренесе tg24..
Масакрот на семејството во Италија ја шокираше целата нација. Осомничениот за тројно убиство изгледал како секој друг млад човек. Играл одбојка, излегувал со другарите, никој не ја забележал „непријатноста“ што ја опишал на распитот.
„Не знам како да го опишам тоа, се чувствував осамено дури и кога бев со некого“, вели тој.
За време на распитот, кој траел повеќе од 12 часа, младиот човек не зборувал за малтретирање, проблеми со дрогата или нешто друго.
Рикардо рече дека станал додека другите спиеле, отишол во кујната да земе нож и прво го нападнал својот помал брат. После тоа ги убил и родителите.
„Ништо посебно не се случи во саботата навечер, но размислував за тоа подолго време“, наводно рекол тој.
Тинејџерот во текот на ноќта сам повикал полиција околу 1 часот по полноќ и рекол „дојдете, го убив татко ми“.
Кога карабинерите пристигнале во семејната куќа, 17-годишникот - кој немал повреди - рекол дека го нападнал само својот татко. Полицијата не поверувала во таа приказна, а можноста за грабеж веднаш била отфрлена.
На телото на момчето, кое во моментот на нападот било во креветот, биле пронајдени десетици убодни рани.
Мајката и таткото биле пронајдени на подот, исто така во пижами.
Се верува дека родителите откако ги слушнале врисоците на помалиот син, влегле во собата во различни моменти кога синот ги убил.
Истрагата продолжува, а соседите велат дека семејството не изгледало дека има проблеми.
