Судот во Аризона денеска покрена обвинение против 17-годишниот Марвин Џајло поради сомневање дека планирал терористички напад на Парадата на гордоста во Феникс на почетокот на овој месец, и ќе му се суди како возрасен.
Џајло е обвинет дека планирал да направи TATP (триацетон трипероксид), експлозив способен да лансира шрапнели и други опасни предмети во воздухот, предизвикувајќи сериозни повреди или смрт. Обвинителите додаваат дека Џајло „објавил различни видеа на кои тој прави ТАТП“ откако ги добил состојките за експлозивот кон крајот на ноември 2023 година.
Џајло бил уапсен во неговиот дом во Бакај за „неповрзан инцидент кој вклучува криминална штета и насилно однесување [семејно насилство]“, откриваат судските документи.
Тој и неговата мајка се скарале откако таа ја открила неговата онлајн активност, откривајќи дека Џајло „зборува со други субјекти кои таа ги опиша како терористи, кои заговарале да извршат можен напад“.
Во судските документи наводно пишувало дека Џајло разговарал со полицијата и „потврдил дека разговарал со екстремисти, кои активно го регрутираат“. Тој и рекол на полицијата дека треба да собере повеќе знаење и подобро да се подготви пред да учествува во терористички настан“.
